وماتت ☼ مصر ☼ في ☼ قلوبنا ☼

☼☼☼☼☼☼☼☼☼☼☼☼☼☼☼☼☼☼☼☼☼
☼☼ وماتت☼☼ مصر☼☼ في ☼☼ قلوبنا ☼☼
☼☼☼☼☼☼☼☼☼☼☼☼☼☼☼☼☼☼☼☼☼

☼☼وحشتوني يا اخواتي الغاليين ☼☼

☼☼☼ النهارده قررت افضفض اصلي مخنوق قوي ☼☼☼

كنت بسمع فلم ☼☼ حلم العمر ☼☼ بتاع

حماده هلال وفي اخر مشهد البطل بدور

الملاكم بيلعب علي بطوله العالم ف النهائي

ضد بطل امريكا ووهو بطل مصر

علي وشك الخساره ☼☼ قامت اخته الطفله

الصغيره اللدغه في الحروف تنادي

مصر مصر يا مصر وهي بتبكي وفجأه غنت ☼☼

احلف بسماها وبترابها ☼☼ وطبعا

ومن دون نقاش لقيت نفسي ببكي ببكي جامد جدا ☼☼ وبقول يارب يكسب مع

اني عارف انه فلم واننا عمرنا ما هنبقي في نهائي كاس عالم لاي بطوله حتي

لو كانت بطوله الضرب بالشباشب اه بالشباشب المهم بعد ما المخرج خنق علينا

وخلانا بكينا وعيطنا وخلص الفلم سالت نفسي هو انا عيط وبكيت ليه عشان

مصر ولا اتاثرت بالفلم وهل انا بحب مصر ولا بكرها المشكله ان لقيت نفسي

في صراع قوي جدا بين بحبها وبكرها وبدات اناقش نفسي ولقيت اني

انا بحب مصر

اللي فيها ماستر امد ايدي اخد اللي فجيبه يحبني وميزعلش مصر

اللي فيها هاني اتصل عليه عاوز شويه فلوس ينزل يبيع الموتوسكل بتاعه عشاني

مصر اللي فيها وليد وتيتو قلوب مفيهاش الغبار بيضه بصفيان

مصر اللي فيها بكار اخره يقولك يانعم ميعرفش معني خيانه ومسمعش بكلمه مكر

مصر اللي فيها امير بيضحك عشان ميبكيش

☼☼☼☼☼☼☼☼☼☼☼☼☼☼☼☼☼☼

بحب مصر اللي فيها جيراني اعدي عليهم يبتسموا اغيب عليهم يدوروا مصر

الغلابه مصر الطيابه مصر الزراعه مصر الارض الطيبه

☼☼☼☼☼☼☼☼☼☼☼☼☼☼☼☼☼☼☼

وبكره مصر

بكره مصر اللي فيها حي الدويقه اللي انفن فيها الفقرا تحت

بيوتهم ومعبرتهمش

حي الدويقه اللي مات فيه الفقراء من الجوع قبل ما تنحطم فوقهم بيوتهم

من اهمال المسئولين

بكره مصر اللي فيها عباره السلام والاهالي اللي غرقوا من غير زمب

بكره مصر بكره مصر

اللي فيها تجنيد اجباري ذل للشباب وكسر لكبريائهم ونهايه لاحلامهم

بكره مصر بكره مصر بكره مصر

اللي فيها الام تخرج من بيتها الواحده بعد منتصف الليل وتترك اولادها

وفراش زوجها وتروح امام مخبز العيش لاجل تلحق تحجز لنفسها مكان

ويقوم الاب ف الصبح يكوي لنفسه لبسه ده لو عنده مكوه ويفطر في

الشارع زي المتسولين والولاد يجهزوا لبسهم دون ام او اب عشان مدارسهم

وفي اخر اليوم الام لا تلحق يامتلحقش ب 1 جنيه عيش ليس له شكل

وليس له طعم

هي دي مصر اللي بحبها ومصر اللي بكرها هي دي بلدي ووطني

اللي عايش فيه مصر اللي بنكرها سرقت احلامنا

مصر اللي بحبها فيها

ايه ومنه فيها مها وايمان فيها رشا البنات اللي قلوبهم بيضه البنات اللي

بيحلموا بالبيت والحلم والامل مصر اللي بحبها فيها امي وامك يخافوا علينا وعليها

مصر اللي بكرها فيها الجيش والمخبر فيها القانون والمخبز فيها الكره والحقد

☼☼☼☼☼☼☼☼☼☼☼☼
ارجوكم الحقونا

☼☼☼☼☼☼☼☼☼☼☼☼
همتنا ضاعت وعزمنا انهار

☼☼☼☼☼☼☼☼☼☼☼☼☼☼☼
الحب للبلد بيموت الحقونا بنهرب منها
☼☼☼☼☼☼☼☼☼☼☼☼☼☼☼

بنضيع وبنتمني نعيش في غيرها

☼☼☼☼☼☼☼☼☼☼☼☼
ارجوكم رجعولنا مصر بلدنا ارجوكم
☼☼☼☼☼☼☼☼☼☼☼☼

مبنحلمش بالقصور ولا الدهب والكنوز بنحلم بأم واب طيبين
☼☼☼☼☼☼☼☼☼☼☼☼

بنحلم ببيت صغير فيه زوجه وبنتين

☼☼☼☼☼☼☼☼☼☼☼☼
بنحلم بمرتب يكفينا اكل وشرب ولبس وبس
☼☼☼☼☼☼☼☼☼☼☼☼

ارجوكم رجعولنا بلدنا ارجوكم عاوزين بلدنا عاوزين شرفنا
☼☼☼☼☼☼☼☼☼☼☼☼

ارجوكم عاوزين كرامتنا عاوزين همتنا

☼☼☼☼☼☼☼☼☼☼☼☼
ارجوكم عاوزين نعيش احياء مش اموات

☼☼☼☼☼☼☼☼☼☼☼☼

ارجوكم متخلونيش اسئل نفسي تاني بحب مصر ولا لا

☼☼☼☼☼☼☼☼☼☼☼☼
ارجوكم بلاش تخلونا نبيع القضيه

مـصـــر

سامحيـــني يا مــــصــــر مش قادر

سامحيني

موضوع بجد اعجز عن الكلام فيه فهو مؤثر جدا وبجد مش هقدر اقولك غير ربنا يرحمنا ويغفر لنا ويساعدنا فى هذه الايام العصيبه والتى ستزداد صعوبه فى الايام القادمه وجزاك الله خيرا ربنا يرحمنا ان شاء الله

الله عليك يا بوب كلامك حلو اوى بس فعلا هى دى مصر اللي بنحبها وللاسف في نفس الوقت مش بنحبها بس ان شاء الله هتفضل مصر هى بلدنا وهى امنا اللي بجد نتمنى لها كل الخير والتقدم والرخاء بس مهما كانت مصر ام الدنيا

جزاك الله خيرا ونرجو المزيد من كلامك الرائع يا بوب

السلام عليكم ورحمة الله وبركاته

موضوع رائع رائع رائع جدا

يمكن اكون مش مصريه
بس بجد انا بحب مصر اكتر من اي شيء تاني

يمكن مش عايشه ف مصر
بس بجد عمري ماتمنيت اني اعيش ف بلد غيرها

مصر زي ماهي ف دمكو
مصر ف دمي

وياريت اقدر اعيش فيها
بحلوها... ومرها

يارب ما اكونش تطفلت عليكو في الموضوع

بس بجد... تحيا مصر

مش عارفه اقولك ايه يا ايهاب بس مش لاقيه كلام اقوله كلامك سكتنى
من الصدمه كنت واضح اوى وصريح لدرجه خضتنى
بس فى الاخر ارجع واقولك كلنا بنحبها بحلوها ومرها
اسئال نفسك لو قامت حرب عليها هتعمل ايه وجاوب على السؤال هتعرف اذا كنت بتحبها من قلبك ولا لاء

موضوع رائع يا هوبا

والله مصر دى جميلة جدا بس للأسف المشكلة مش فى مصر المشكلة فى النظام السائد فى مصر

وبحبك يا مصر

الموضوع احسن واجمل موضوع شوفته في المنتدي ده والله مصر ام الدنيا ومصر احلي اجمل بلد في العالم وشكرا علي الموضوع المؤثر جدا جدا جدا