شعور سخيف انك تحس بأن وطنك شئ ضعيف (قصيده تحكى حال مصر) هى ديه بلدنا يعنى هنعمل ايه؟

السلام عليكم
-----------------
القصيده ديه يا جماعه بجد جامده اوى وياريت تسمعوها لأخرها


جحا
شعور سخيف انك تحس بأن وطنك شئ ضعيف
صوتك ضعيف رأيك ضعيف انك تبيع قلبك وجسمك
انك تبيع قلمك واسمك ميجيبوش حق الرغيف
سألو جحا على سر ضحكه
قالك اصل اتنين وشبكو اللى كان من تحت ميت واللى كان من فوق كفيف
ده شعور سخيف
وشعور سخيف انك تكون رمز الشحاته تبنى مبنه للشحاته تعمل وزاره للشحاته
يا ساقيه دورى عدى فوقى ودوسى نصبو عليا وشحتونى فلوسى
ربطونى فيكى حتى ما اتغميت هما اللى فرحو وحدى انا اتغميت
انا اللى صاحب البيت عايش بدون لزمه ولمى مره شكيت ادونى بالجزمه
مش لاقى تطفح اديك هاتولنا وجيبولنا ودونا وهاتونا
هنجيب منين نديك
مش لاقى تطفح اديك
طافح يا بلدى غدايا ولوعتى غدايا وادى الاحبه التقو واتجمعو عدايا
انا اللى زارعك دهب بتأكلينى سباغ ان كان ده تقل ودلع بزياده دلعك باخ
لاشوفت فيكى هنا ولا شوفت فيكى طرف كل اللى فيكى قرف
كرامتنا متهانه واللقمه بأهانه بتخلى فينا ليه لما انتى كرهانه
يعنى ايه تبقى انتى هبه النيل وكل يوم الميه تقطع
يعنى ايه لما اشتكى غلو الفاتوره يقولو تشكى بس ادفع
لما اقشر رز سروه بتتحرق ولما نفطن امه سروه بتتسرق
ولما جلادك على ولادك بيبطش ولما علمك ميلاقيش ياكل فيطفش
يعنى ايه نرفع ادينا للسلام لأجل الغزاه يعنى ايه لما ابقى ماشى فى حالى اتشد فى اشتباه
يعنى ايه لما اتحبس أربع سنين حبس احطياتى حبس اعطباتى
يعنى ايه مش حاسه بالعمر وغلاوته بتصبى مر العمر ليه ده انا كونت هوهبلك حلاوته
انا عمرى ما اتأمرت ولا حطيت شروطى ومكان ما ترسى مركبك ببنى شطوتى
انا كونت جيشك لما مماليكك باعوكى وكونت يوسف لما عشت سين عجاف
وضلوعى ديه اللى فى معركه قادش حموكى وشفايفى ديه اللى مبطلتش فى يوم هتاف
انا كل شبر فى ارضك اتمرمغت فيه وكل يوم عشتيه انا اتعذبت بيه
بتكرهينى عيونك السوده وايامى اللى فاتت منتيش حبيبتى من النهارده حبيبتى ماتت
مع صوت ادان الجرس فى الشده صاحينلك من امتى كانو الحرس هما اللى باقينلك
بعتينى علشانهم وعنيكى معصوبه يا هلترى خاينه ولا زيى مغصوبه
كل الكلام اتقال والشعر بقى ماسخ والصبر علو جبال والظلم شئ راسخ
وطن وغرقان فى النطاعه كل شئ ريحته نطاعه علمونا بالعصايه
ورضعونا الخوف رضاعه علمونا فى المدارس يعنى ايه كلمه قيام...قيام
علمونا نخاف من الناظر فيتمنع الكلام علمونا ازاى نخاف وازاى نكش
بس نسيو يعلمونا الاحترام
فمتزعلوش لما ببقى مش بزعل كلامكم ومتزعلوش...
مستنى ايه من طفل ربوه بالزعاج غير المشاكل والخناق
كل اللى بيقولك بحبك دول نفاق انا لما قولتلك بحبك كان نفاق
الحب يعنى اتنين بيدو مش ايد بتبنى وستميت تيت تيت يهدو
الحب حاله الحب مش شعر وقواله الحب يعنى براح فى قلب العاشقين للمعشوقين
يعنى الغلابه ينامو فى الليل دفيانين الحب يعنى جواب لكل المسجونين
هما ليه بقو مسجونين؟
يعنى اعيش علشان هدف علشان رساله يعنى احس بقيمتى فيكى وانى مش عايش عواله
يعنى لما اعرق تكافئينى بعداله الحب حاله الحب مش شعر وقواله
الحب حاجه متتوجدش فى وسط ناس بتجيب غداها من صناديق الزباله
الحب جواكى استحاله