عندى مشكلة

]السلام عليكم ورحمة الله وبركاته
ازيكوا يا دكاترة ( اعتبار ما سيكون بعون الله )
يارب تكونوا بخير وعلى أحسن حال

دلوقتى ربنا سبحانه وتعالى بيقول " إنما المؤمنون أخوة "
والرسول عليه الصلاة والسلام قال " من لم يهتم بأمر المسلمين فليس منهم "
وبما أننا الحمد لله مسلمين وأخوة
يبقى الصح أننا نشارك بعض الحلو والوحش ولا لا ؟؟؟؟؟؟؟؟؟؟؟؟؟؟؟؟؟

أى حد بقى عنده مشكلة فى حياته سواء دراسية أو فى حياته العامة مشكلة مثلا مع صاحبه أو صاحبتها ( للدكاترة البنات )
أو مثلا مشكلة فى البيت .......... ومش عارف يحلها
ياااااريت يدخل يحكيلنا هنا على المشكلة واحنا كلنا أخواته وبعون الله أى حد عنده حل هيقوله وبعون الله المشكلة تتحل
ولو فرضنا مثلا المشكلة صاحبها شايف أنها كبيرة وحتى لو قالها ع المنتدى مش هتتحل
ياريت يقولها على الأقل يعنى تبقى فضفضة ليه وفيها راحة لو اتكلم مع حد
كمان هنقوله بعون الله على الخطوات الايجابية اللى يتخذها بعون الله حتى لو كانت المشكلة كبيرة ومعقدة
هنفكره مثلا بأنه يستعين بربنا ويستغفره ( الواحد لما بيبقى متضايق بينسى ربنا خالص )

فيا جماعة أنا عملت الموضوع ده عشان كلنا هنا أخوة وتهمنا مصلحة كل أخواتنا هنا
وأى حد عنده مشكلة معينة أيااااااااااااااااااااااااااااااااااااا كانت .......
يتفضل يحكيها وبعون الله هنساعده


أحبكم فى الله [/color]

جزاك الله خيرا وبعون الله نكون يد واحده في حل اى مشكله

جزاك الله كل خير

واكيد طبعا هتعاون معاك ونساعد اى حد عنده مشكلة

وان شاء الله ميبقاش فى مشاكل عند اى حد

]طب يلا مع بعض كدا

بسم الله الرحمن الرحيم

واحد اتصل بيا امبارح تعال يبنى أنا عاوزك ضرورى
خير يبنى ؟؟؟؟؟
تعالى بسرعة بس أنا فى المكان لفلانى ومستنيك
رحتله قاللى أنا عملت مشكلة فى البيت ومخنوق
خير حصل ايه ؟؟؟؟؟؟؟؟؟؟؟



أمى يا عم بتفرق فى المعاملة بينى وبين أخويا الكبير
عشان يعنى هو دكتور وبيشتغل وأنا مبشتغلش
دايما فى أى موقف تنصره عليا حتى لو كان هو اللى غلطان
تهتم بيه بطريقة غير عادية وبييجى الاهتمام ده على حسابى
أكنى مش موجود فى البيت خالص ولا كأنى ابنها
لما بتخانق أنا وأخويا مع بعض مبردش عليه وأروح أشكيه لأمى تقولى هو اللى عنده حق
ويوم لما أتخانق معاه وأمسك فيه تزعقلى أنا من غير ما تعرف حاجة
وضع يخنق بطريقة فظيعة ..... أىى حاجة يكون هو فيها صاحب الكلمة وأنا ولا حاجة
فاتخنقت جدااااااااااااااااااااااااااااااااااااااا
لغاية ما انفجرت فيها من الغضب امبارح وزعقتلها وسبت البيت




دى مشكلة اهى يا جماعة ........ أنا جايبها وذكرتها لحضراتكو عشان أسمع آراء حضراتكو واللى بعون الله تفيد سواء فى المشكلة دى أو فى أى مشكلة غيرها لما تعجبنا مثلا طريقة التفكير فى رد معين من ردود حضراتكو بعون الله
يلا يا جماعة .... آراءكو ....
ايه الحل ؟؟؟؟؟؟؟؟؟؟؟؟؟؟؟
يعنى لو الموقف ده حصل معاك أنت أو أنتى .......... ايه الحل ؟؟؟؟؟؟؟؟؟؟؟؟؟؟؟؟؟
مستنى سماع الآراء واسمحولى بالتعليق عليها جمييعا
( عذرا تعليقى عليها يتطلب من حضراتكو متابعة الموضوع باستمرار )

اتفضلوا ...... [/color]

هصلى العصر وارجع ارد

بسم الله الرحمن الرحيم

طبعا مما لا شك فيه أن موقف والدته ده غلط مائة بالمائة وأكيد لو اى حد مكانه هيشيل فى نفسة

بس طبعا مهما كان مش لازم ينفجر فيها من الغضب لأن دى مهما كانت هيا والدته وطبعا ربنا وصانا بالوالدين

( وبالوالدين إحسانا ) ( ولا تقل لهما اف ولا تنهرهما وقل لهما قولا كريما )

انا شايف مثلا انه يواجها بكل لطف ويقول لها انتى زعلانه منى ليه ياست الكل

ولازم هو اللى يفضل يدلعها ويحسسها بحنيته واكيد هو لما يقرب منها جامد ويحسسها بحبه ليها هيا اكيد لو فى فعلا تفرقه من ناحيتها هيا هتحاول تعدل من نفسها

وشايف كمان انه مش لازم يواجهها صراحة ويقولها انتى ليه بتعاملية أحسن منى

أهم خطوة يعملها انه يعاملها كويس جدا جدا جدا ويحسسها بحنيته ويدعى ربنا انه يحنن قلب والدته عليه

وان شاء الله هيا هتحس بكده وتبدأ تحسن المعاملة معاه

لان طبعا فى الاول والاخر مفيش أم بتكره ابنها

واكيد هو كان بيعاملها وحش فياريت يحسن المعاملة معاها

كمان يرجع البيت لان مش هو ده الحل انه يسيب البيت

]مممممممممممممممممممممممممممم
جميل جدا يا أشرف
بارك الله فيك
بس إيه رأيكك بقى أنه بيعاملها كويس وبحنية وكل حاجة
والوضع زى ما حكيته كدا يبقى ايه العمل ؟؟؟؟؟؟؟؟؟؟؟؟؟؟؟؟؟؟

جزاكم الله خيرا كثيرا ع الاهتمام والرد

ها يا جماعة ...... فيه ردود ؟؟؟؟؟؟؟؟؟؟؟؟؟؟؟؟؟ [/color]