كان ياما كان ..فلسطين بعتت سلام

فلسطين بعتت سلام للجميع
.. وحكتلي
.. قولي لأولادي
.. اشتقت كتير للقعدات الحلوة
.. ضو القمر .. وقلوب الحبايب
.. والقصص الندية
.. والحكاوي
.. تعالوا نرجع أيام زمان
.. كل يوم قصة .. كل يوم حكاية
.. مش لحتى نام
.. عشان يصحى فينا إشي ما بنام
.. ليالي كانت في فلسطين
.. وقصص نحكيها لنبقى احنا في الوطن عايشين
.. فلسطين بتسلم عليكم
: و بتقولكم
.. كان يا مكان يا سادة يا كرام
.. كان يا مكان يا مستمعين يا كرام
.. وما يحلى الكلام الا بالصلاة على الحبيب محمد خير الأنام (عليه افضل الصلاة والسلام)
.. زيدوا الصلاة صلاة
.. هاد يا سادة يا كرام .. يا أهل الجود والإكرام
.. كان في
.. ولم كان في .. كان هناك كل شي
.. كان في بلد ما تعرف الشمس غيرها وطن
.. والقمر فيها وجه صبية مليحه
.. وكان فيها ناس .. الحب والخير فيهم أساس
.. كان يا مكان
.. وطن .. حب .. سلام .. أمن .. شجر .. عمر .. قمر
.. كان يا مكان
.. كان في وطن .. اسمه فلسطين
.. ويا حبايبي يا سامعين .. ما في منها اثنين
.. ما بدي أكتر عليكم حكي
.. طلع في يوم عليها الصبح
.. هجمت الدبابة .. وما كانت خيابة
.. هجموا على البيوت .. على الكروم
.. ع الخوابي .. حرقوا الروابي
.. وقلعوا عين الصبية
.. وطفوا الشمس
.. وصار الشعب الحر ساكن بخيام
.. وما بكى عليهم حد .. لأنه البكي بده زلام
.. وفي هالعالم ما كان زلام غيرهم
.. سكنوا بالخيام
.. ايش ظل بالقصه
.. طلعوا عليهم بقصة توطين .. وأكياس طحين
.. يا ويلي على المساكين
: طلع فيهم منادي قال
يا عالم ياهوووووو
.. يا سمعين الصوت
.. ورب السما والدنيا .. ترابك يا فلسطين ما يهون
.. أنا لاجئ ساكن بخيمتي لحتى أرجع أو القيامة تقوم
.. ما برضى بالذل
.. راح أبقى عربي فلسطيني
.. عاشق ع طول العمر
عشقي فلسطيني
.. يا سامعين الصوت
.. أنا فلسطيني
.. أنا فلسطيني
.. أنا فلسطيني
.. وهيك يا سادة يا كرام
.. صلوا على النبي قبل ما نكمل الكلام
.. وبقى الفلسطيني جرح بصدر الزمان
.. حامل جروحه وين ما كان
.. لسه ما بدت القصه حتى تنتهي
.. لسه الحكي قدام
.. بس فلسطين وصتني أبلغكم السلام
.. وبوصيكم أنا
.. ادعولنا .. لحتى ربي يفرج الكرب .. ونرجع زمان وأيام زمان.

جميله اوووووووووى بجد مؤثره فعلا شكره على الشعر الجميله ده موهبه رائعه

السلام عليكم ورحمة الله وبركاته

كلام جميل جدا

يارب يفرج هم فلسطين وهم المسلمين

مشكووووووووووووووووووووور جداااااااااااااااااااااااا

وانا فخور بهذا الموضوع الراااااااااائع

مشكووووووووووووووووووووور جداااااااااااااااااااااااا

وانا فخور بهذا الموضوع الراااااااااائع