تـــحـــب تـبـقـــــى جــاســـــــوس

تـــحـــب تـبـقـــــى جــاســـــــوس

لو اتعرض عليك وظيفة خالية ومواصفات الوظيفة مش صعبة

كل المطلوب انك تبقي شاب محبط عندك اكتئاب وياس كرهت بلدك بسبب قلة الشغل مش عارف تتجوز مفيش فلوس

حاصل علي مؤهل عالي وعاطل او بتبيع طماطم حاولت تتنتحر وبرضوا فشلت

شباب هيموتوا يطلعوا برة مصر باي شكل.

ولو حتي بفيزا مضروبة والوظيفة بسيطة جدا وتتلخص في كلمة واحدة" جاسوس "

لو قرأت الإعلان ده في يوم من الأيام

توافق على الوظيفة دي وتبيع بلدك و تطفش منها باي شكل ولا هتخاف احسن تتفقس وينتهي

بك الحال في السجن أو الاعدام

صحيح احنا عندنا شباب كتير بيعاني من امراض نفسية بسبب اللي حاصل في البلد

بس هتقدر تقبل الوظيفة دي..!!

ولو كل واحد في البلد ظروفه وحشة والدنيا معانداه، كان زمان مصر كلها مليانة جواسيس!

لو كانت الظروف وحشة فده مبرر لإنك تنقلب على وطنك ودينك؟!

لو جواك طاقة سلبية تجاه بلدك تخليها زي ما هي ولا تحولها لإيجابية...؟؟

و أنا عن نفسى موافقش و أفضل فى بلدى

و مش خوف ولا جبن , لانى مصر احلى بلاد العالم و بلد الامن و الامان

مهما نقول فيها عيوب بس ميزاتها كتير لكن احنا اللى بنشوف السلبياات بس و بنحاول نتجنب ايجابيات

و أنامش ابيع بلدى مهما حصل و مهما بقيت سلبية تجاها و احاول اخلى طاقتى ايجابية

فى رعاية الله

فعلا مصر ام الدنيااااااااااااااااااااااااااا واحلي بلد في العالم بس للاسف اللي فيها هما اللي بيخلوها وحشه اوى بس هيفضل الخير فيها والامن والامان وهتفضل مصر ام الدنيا وهتفضل بلدى وبلد كل المصريين اللي هيحافظوا عليها وهيخلوها احسن بلد في الدنيا ولايمكن احب ان اكون جاسوسه علي بلدى [/size]

كلامك صحيح لان مصر احلى بلد فى الدنيا واى حد بيزرها بيقول كده يبقى احنا
لازم نقول عنها اكتر من كده ولا احب ان اكون جاسوسه على بلدى مهما حصل
منها فمصر بلدى ومصر هى امى وام كل مصرى

مصر احلى بلد فى الدنيا

ومهما حصل حتفضل هيا مصر

ايه الحلو فى مصر
؟؟؟؟؟؟؟؟؟؟؟؟؟؟؟؟
ممكن حد يقولى ايه الحلو فى مصر
ومحدش يقولى مصر كلها حلوه
الواحد لو أتكلم على الحجات الوحشه اللى فيها هيتحبس
ومش هيبطل كلام على الحجات الوحشه اللى فيها

الوحش النظام مع انى اعتقد انه مش وحش اوى زى ما انت فاكر والمشكله الكبيره اوى ان الموارد بتاعتنا قليله والسكان بتزيد هى ده المشكله ولو عايز الاهمال ده مننا احنا مش منها لو الواحد عمل شغله صح اكيد مصر ده هتبقى احسن مما تتوقع يعنى مثلا انت لو ذاكرت واجتهد ونجحت اكيد انت كده بتفيد نفسك عشان تبقى حاجه ولما هتبقى حاجه اكيد ده هيرجع لمصر وده هيخلى صوره مصر حلوه وعلى فكره مصر لو مش حلو يبقى ماكنشى الاعداء عايزين يحتلوها ولا ايه اعتقد ده ممكن يقنعقك بعض الشى ولكن فعلا مصر احسن دوله بالعالم كله لان مافيهاش مشاكل زى الدول الاخرى

طيب انا اهاخد الشهاده هعمل بيها ايه
هشتغل ايه
فى دكاتره ومحاميين شغالين سواقين
والنظام فى البلد زى الزفت والناس هيا اللى مبوظه كل حاجه
لو كل واحد يعمل شغله بأتقان
هنبقى أحسن بلد زى ما قولتى
بس مش عندنا الكلام ده
احنا شعب النوم فى العسل
أحنا شعب مش بيحب يشوف حاجه سليمه
العيب فينا وفى النظام بس لو النظام صح احنا كمان هنبقى صح

اوك انا معاك بس الواحد مش لازم يياس ويحاول اه ممكن تحصله صعوبات فى الاول بس لازم يحاول من جديد عشان يوصل للى هو عاوزهاحنا اللى هنعمل ده بادينا وطول ماهنحاول اكيد هنلاقى ربنا قال اسعى ياعبد وانا هسعى معاك ولا ايه نعمل احنا اللى علينا ونسيب الباقى بقى على ربنا بس نحاول الاول

معاكى فى اللى بتقوليه
بس لحد أمتى هنفضل كده
ده خلاص أمريكا قربت تصنع جنود بالريموت كنترول
واحنا مش عارفين نصنع فانوس رمضان
نفسى أشوف حاجه مكتوب عليها صنع فى مصر
مفيش غير الملابس اللى بنعرف نعملها
وديه الحاجه الوحيده اللى بشوف مكتوب عليها صنع فى مصر
وياريتها معموله بأتقان وزمه ديه بتبقى مليانه عيوب
احنا مش هنعرف قيمه البلد ديه غير الا لمى تتاخد مننا
زى زمان
ولو أتاخدت تانى مش هنعرف نرجعها تانى

لاء هنعرف نحافظ عليها مدام فيها شباب زيك وزى ايهاب واشرف زى شباب تانين هيدافعوا عنها لانهم بيحبوها ومدام هى امهم اكيد محدش هيردى ان حد يجرح امه بس انت تفائل خير وخلى عندك عزيمه وان مصر احسن بلد وان فيها شباب كتير هيدافعوا عنها واكيد انت هتبقى اول واحد يفديها بس لما تكبر شويه

أنشاء الله هنعرف نحافظ عليها بس نفسى أشوف حاجه ماشيه بالنظام شويه
مش كل حاجه كوسه كده

السلام عليكم ورحمة الله وبركاته

بجد مش عارفه اقول ايه بعد كلام بسمه

كلامك يابسمه كله صح

ربنا يوفقك يارب

ومصر بجد ام الدنيا