اختر احدهم ..وافعل مثله..

السلام عليكم ورحمة الله وبركاته

الشخصيات العظيمة كتيييير ، والمواقف اللي عملوها كتييير

لكن انا جايبالكم النهاردة 4 شخصيات موقف واحد لكل واحد منهم

او حاجة قالها او حاجة اتقالت عنه

مانحبش نبقى كده؟؟

ليه مانحاولش نعمل زيهم؟؟

اول حاجة عايزة اقولكم عليها

لما سيدنا عثمان بن عفان كان على فراش الموت

انا سمعت مرة انه قال وسمعت مرة انه كان كاتب في صندوق الكلام ده

اسمع

أشهد أن لا إله إلا الله و حده لا شريك له و أن محمدا عبده و رسوله و أن الجنة حق . و أن الله يبعث من في القبور ليوم لا ريب فيه إن الله لا يخلف الميعاد . عليها عشت و عليها أموت و عليها أبعث إن شاء الله .

يااااااااالله

يا ترى لينا مقولة كده عايشين عليها وهنموت عليها وهنبعث عليها؟؟


يا ترى عندك؟؟


الشخصية العظيمة التانية هو سيدنا بلال بن رباح لما كان بيحدث كان بيتوضأ على طول

ومش بس كده

لا كمان كان بيصلي ركعتين

تخيلو كده واحد كل ما يحدث له ما ينقض الوضوء يقوم يتوضأ ويصلي ركعتين لله

ايييييه ده؟؟

الشخصية التالتة

سيدنا ابو بكر الصديق

هقولكم حاجة عنه اسمعوها واستشعروها

ذات ضحى كان الرسول صلى الله عليه وسلم جالسا فأشار نحو ابي بكر الصديق وقال رسول الله: من اراد ان ينظر الى عتيق من النار فلينظر الى ابي بكر(رواه الحاكم في المستدرك و ابن عساكر عن عائشة)

ياااااه

ياااه لو نحاول نقتدي بسيدنا ابو بكر

عتيق من النار

الله

يارب اجعلنا من عتقاء النار

والشخصية الرابعة بقى

سيدنا معاذ بن جبل

قال رسول الله صلى الله عليه وسلم : دع عنك معاذا فان الله يباهي به الملائكة (رواه الحكيم عن معاذ)

ايه الناس دي

يا ترى احنا بنعمل ايه

ايه حالنا

شكلنا ايه جنبهم

ياترى الرسول لو معانا دلوقتي كان هيقول علينا ايه

عايزين نعمل زي الشخصيات دي

اللي الواحد مش عارف يوصف شعوره لما بيسمع موقف بس من واحد منهم

رضي الله عنهم اجمعين

بارك الله فيكم